Hai case un mes, coincidindo coa festa da Foliada, tivo lugar en Melide un encontro entre cinco países europeos: Bulgaria, Grecia, Dinamarca, Letonia e Galicia que participan no proxecto ATTIC. Este é un proxecto de intercambio cultural, subvecionado pola UE dentro dos Programas Grundvigt, onde cada país traballa un eido da cultura popular e o comparte cos outros. Así Bulgaria é o país coordinador e traballa con documentación, Grecia con literatura oral e contacontos, Dinamarca con artesanía, Letonia con danzas tradicionais e Galicia con xogos populares e tradicionais. Cada país aportou aos outros un pouco dos seus xogos, contos populares, danzas, artesanía... e o resultado son diferentes catálogos de cada área de tr
aballo.O proxecto está chegando ao final e tres profes do instituto, Lidia, Cristina e Pía, viaxarán a Bulgaria para presentar o resultado do noso traballo. Dexesámoslle unha boa viaxe, que xa nos contarán no blog, e velaí o noso catálogo de xogos populares de cada un dos cinco países participantes.
No hay comentarios:
Publicar un comentario